ఎస్సార్ ప్రైమ్ విద్యాసంస్థలు తమ వార్షిక విద్యా ప్రణాళికలో భాగంగా విద్యార్థులకు నాణ్యమైన విద్యతో పాటు సమగ్ర వ్యక్తిత్వ వికాసాన్ని అందించేందుకు ప్రత్యేక కార్యక్రమాలు నిర్వహిస్తున్నట్లు సంస్థ యాజమాన్యం తెలిపింది.

విద్యార్థులు 100 శాతం ఉత్తీర్ణత సాధించేలా వినూత్న బోధనా వ్యూహాలను అమలు చేస్తున్నామని పేర్కొంది. పాఠ్యాంశ బోధనతో పాటు ఎథిక్స్ అండ్ మోరల్ వాల్యూస్ (నైతిక విలువలు), సాఫ్ట్ స్కిల్స్, వ్యక్తిత్వ వికాసం, దస్తూరి, చేతివ్రాత నైపుణ్యాల అభివృద్ధిపై ప్రత్యేక శ్రద్ధ తీసుకుంటున్నట్లు వెల్లడించింది.

అలాగే ఆధునిక సాంకేతిక విద్యా విధానాలు, ఇంగ్లీష్ క్లబ్‌లు, కమ్యూనికేషన్ స్కిల్స్, ప్రాక్టికల్ లెర్నింగ్ కార్యక్రమాల ద్వారా విద్యార్థులను భవిష్యత్ సవాళ్లకు సిద్ధం చేస్తున్నామని తెలిపింది. విద్యార్థులు, తల్లిదండ్రులను విద్యా ప్రక్రియలో భాగస్వాములను చేస్తూ ముందుకు సాగుతున్నామని పేర్కొంది.

ఈ సందర్భంగా ఎస్సార్ ప్రైమ్ విద్యాసంస్థల చైర్మన్ ఎలగందల వరదా రెడ్డి, డైరెక్టర్ సంతోష్ రెడ్డి, డీజీఎం మరియు జోనల్ అధికారి సచిన్, జ్యోతి నగర్ పాఠశాల ప్రధానోపాధ్యాయులు నాగ ప్రణవి మాట్లాడుతూ విద్యార్థుల విద్యా ప్రగతితో పాటు వారి వ్యక్తిత్వ వికాసం, నైతిక విలువల పెంపుదలకూ సమాన ప్రాధాన్యత ఇస్తున్నామని తెలిపారు.

నాణ్యమైన విద్య, ఆధునిక బోధనా పద్ధతులు, విలువలతో కూడిన శిక్షణ ద్వారా విద్యార్థులను ఉత్తమ పౌరులుగా తీర్చిదిద్దడమే తమ లక్ష్యమని వారు పేర్కొన్నారు.