ఈ ఐపీఎల్ సీజన్‌లో Rajasthan Royals జట్టు అంచనాలకు మించి అద్భుత ప్రదర్శన కనబరుస్తోంది. మంగళవారం వర్షం కారణంగా ఆలస్యంగా ప్రారంభమైన మ్యాచ్‌లో Mumbai Indians పై 27 పరుగుల తేడాతో ఘన విజయం సాధించింది. ఈ విజయంతో వరుసగా మూడో గెలుపు నమోదు చేసి, ఆరు పాయింట్లతో టేబుల్ టాప్‌లో నిలిచింది.

వర్షం కారణంగా మ్యాచ్‌ను 11 ఓవర్లకు కుదించారు. ముందుగా బ్యాటింగ్ చేసిన రాజస్థాన్‌ రాయల్స్‌ జట్టు 11 ఓవర్లలో 3 వికెట్లకు 150 పరుగుల భారీ స్కోరు సాధించింది. ఈ ఇన్నింగ్స్‌లో Yashasvi Jaiswal అద్భుతంగా రాణించి 32 బంతుల్లో 77 పరుగులతో నాటౌట్‌గా నిలిచాడు. అతని ఇన్నింగ్స్‌లో 10 ఫోర్లు, 4 సిక్సర్లు ఉన్నాయి. వైభవ్ సూర్యవంశీ కూడా 14 బంతుల్లో 39 పరుగులతో మెరిపించాడు.

చేదనలో ముంబై ఇండియన్స్ ప్రారంభం నుంచే ఒత్తిడిలో పడింది. Rohit Sharma (5), Suryakumar Yadav (6) వంటి కీలక బ్యాటర్లు త్వరగా ఔటవడంతో జట్టు 22 పరుగులకే మూడు వికెట్లు కోల్పోయింది. తరువాత Ravi Bishnoi వరుస వికెట్లు తీసి మ్యాచ్‌ను పూర్తిగా రాజస్థాన్ వైపు మళ్లించాడు. కెప్టెన్ Hardik Pandya కూడా పెద్దగా రాణించలేకపోయాడు.

చివర్లో నమన్ ధిర్ మరియు రూథర్‌ఫోర్డ్ కొంతసేపు ప్రతిఘటించినా, మ్యాచ్ ఫలితాన్ని మార్చలేకపోయారు. ముంబై 11 ఓవర్లలో 9 వికెట్లకు 123 పరుగులకే పరిమితమైంది.

రాజస్థాన్ బౌలర్లలో బర్గర్, సందీప్ శర్మ, బిష్ణోయ్ తలో రెండు వికెట్లు తీసి జట్టుకు విజయాన్ని అందించారు. ఈ మ్యాచ్‌లో అద్భుత ప్రదర్శన చేసిన జైస్వాల్‌కు ‘ప్లేయర్ ఆఫ్ ది మ్యాచ్’ అవార్డు దక్కింది.

మొత్తం మీద Riyan Parag నాయకత్వంలో రాజస్థాన్‌ రాయల్స్‌ ఈ సీజన్‌లో బలమైన పోటీదారుగా మారింది.