తిరుమలలో శ్రీవేంకటేశ్వరస్వామి ఆలయం ప్రసాదాల నాణ్యతలో గణనీయమైన మెరుగుదల కనిపిస్తోందని ఎమ్మెల్యే సుజనా చౌదరి తెలిపారు. ప్రస్తుతం అందిస్తున్న ప్రసాదాలు చాలా రుచికరంగా ఉన్నాయని ఆయన అభిప్రాయపడ్డారు.

మంగళవారం ఆయన స్వామివారిని అర్చన సేవలో దర్శించుకున్నారు. ఈ సందర్భంగా వేదపండితులు ఆయనకు ఆశీర్వచనాలు అందించగా, దేవస్థాన అధికారులు లడ్డూ ప్రసాదాలు అందజేశారు.

దర్శనం అనంతరం మీడియాతో మాట్లాడిన ఆయన, తిరుమల–తిరుపతిలో చేపట్టిన ఏర్పాట్లు ఎంతో సంతృప్తికరంగా ఉన్నాయని పేర్కొన్నారు. భక్తులకు సౌకర్యాలు మెరుగ్గా అందుతున్నాయని తెలిపారు.

అలాగే, ప్రపంచవ్యాప్తంగా నెలకొన్న యుద్ధ వాతావరణం తొలగి, శాంతి నెలకొల్పాలని స్వామివారిని ప్రార్థించినట్లు చెప్పారు. ప్రజలందరూ సుఖశాంతులతో ఉండాలని ఆకాంక్షించారు.